▲ 張振朗、《拳王》監製陳耀全、黃子恆。（左起）
TVB臺慶劇《拳王》監製陳耀全（Andy）在昨晚（11月26日）率領張振朗及黃子恆網上開Live，與觀眾互動。
監製Andy笑指是次是決心將振朗與子恆來個性格大兜亂，以帶給觀眾新鮮感，振朗即笑指有難度：“因為個角色好嚴肅、又多內心戲，仲要打好多份工添！對我嚟講真係演得唔算得心應手。我嗰時真係拍到個人都唔同咗，變得唔鍾意講嘢同埋好鍾意諗嘢。”
子恆聽到劇中配樂爆喊
Andy聞言即補充指，振朗今次像一個只能出拳、但不能用腳、踭、膝應戰的拳手，並坦言知道對振朗來說很高難度，但仍很感激振朗這麼努力。
至於由嚴肅變活潑的子恆，則笑指在角色感染下，私底下亦變得開朗：“加上劇入面拳館所有人都好似一家人，所以拍得好開心。”
二人又坦承是喊包，子恆指最近一次爆喊，是因為聽到劇集其中一首配樂，然後滿腦子都是海正藍（張振朗飾）的畫面，及拍攝時的所有畫面。
▲ 頗多網民讚劇中告別嫲嫲的場面感動而不煽情。
振朗感性易流淚
至於振朗，則坦言無論是見到羅蘭姐（劇中嫲嫲），抑或做訪問談及拍攝感受時都定必感觸落淚。
Andy聞言再玩踢爆謂：“係呀！佢好易喊架！好記得第一次同佢合作《師父明白了！》，佢話想睇番自己死嗰場戲，我咪畀佢睇咯，點知佢一睇就喊到豬頭咁，嚇親我呀！”Andy又笑指振朗是劇中NG最多演員，十分搞笑。
昨晚亦有不少網民留言提及十分喜歡正藍與迎風（黃子恆飾）的互動。其實二人在劇中會逐漸發展成師徒關係，而二人的“結冤”加“結緣”場口亦相當有趣，竟然是由27。4元計程車費、一包花菇以及一個銀包開始。
振朗子恆組男男CP
正藍為了27。4元計程車費，竟追迎風追至入男廁，嚇到肚痛大作的迎風O曬嘴。這搞笑場口，亦引起網民討論，有人覺得為何正藍咁傻有價值超過30元的花菇都唔要，亦有網民認為正藍“孤家寡人”，幾貴的花菇對他來說亦毫無意義，相當搞笑。
據知，振朗與子恆這對受歡迎的男男CP之後還會有不少對手戲，二人不但火花四濺，更非常有愛，值得期待！
撰文 : TOPick柴犬出動
新聞來自香港經濟日報