朱茵50歲生日 黃貫中曬咀相放閃：請你等我回家
內地人氣綜藝節目《披荊斬棘的哥哥》即將步入尾聲，搞到哥哥之一嘅黃貫中（Paul）都冇時間同老婆朱茵慶生，今日喺女神朱茵50歲生日，雖然老公忙於拍節目，但人唔到示愛都要到，Paul就喺社交網公開向老婆講生日快樂：“親愛的生日快樂！請你等我回家。”短短几個字，真系feel到band仔嗰種霸氣，再配埋張咀嘴相，放閃放到咁，網友都留言話：“哥的思念就要決堤啦，趕快見面發放狗糧”Paul即刻迴應“你說的對”。
太幸福定有喜？李美慧肚凸凸賀囡囡3歲生日
藝人李美慧（Vivi）2018年嫁予年長25歲、富商老公曾文豪，併為對方誕下一女，不時於社交網分享親子日常。唔經唔覺囡囡“小糖心”已經3歲，作為媽媽嘅Vivi為寶貝女舉行生日派對。相中見派對以海洋及動物做主題，現場悉心佈置靚靚氣球裝飾，睇見都開心！壽星女著上白色公主裙、頭戴小后冠，十足小公主一樣，Vivi同囡囡面上都化咗Bling Bling妝容，一家三口影全家福，畫面非常溫馨。而著上連身裙嘅Vivi，唔知系咪少奶奶生活過得太幸福，肚凸凸、望落比以往圓潤唔少，搞到有網友問“小糖心”系咪準備做姐姐！
拒絕陪睡！李元玲慘遭封殺：真的很欺負人
內地男星黃子韜日前在直播大爆娛樂圈內幕，狠批陪酒陪吃飯風氣，更自爆拒絕陪酒後被威脅要封殺他！事件引起全城熱話，馬來西亞鋼琴女神李元玲也站出來，大爆曾遇過娛圈潛規則！
她在社交網轉發報道，留言：“這種潛規則我也遇過，真的很欺負人！被要求跟電影投資商喝酒陪睡，我拒絕了後立刻叫我買機票回馬來西亞，角色煲湯。”又透露回到馬來西亞後被罵態度傲慢而遭封殺：“如果我是因為拒絕陪睡而被封殺，那就封殺我吧～”
李蘊被指遭家暴 嬲爆反擊：唔好亂講！
藝人李蘊與圈外老公結婚後誕下一對仔女，定居內地嘅佢逐漸退出幕前，不時於社交網分享親子點滴，大曬幸福少奶奶生活。尋日（24號）佢上載一張與囡囡合照，感觸留言：“窩心的女兒，有你安慰就是最好的心理治療，怎麼你每一句話都有洋蔥！傻豬豬，我愛你。”其後上載一張抽血相透露入院接受身體檢查，點知卻被網民指遭家暴，對此李蘊嬲爆迴應：“家暴，這是不可能的！我老公對我不知幾好，雖然平時唔講呢啲，因為家庭要低調，但唔好亂講！”
入行10年首演奸角 黃穎君善良底難變壞
無綫節目《東張西望》外景主持黃穎君（Burmie）拍過唔少劇集，過往都系做善良嘅角色，不過近日喺劇集《我家無難事》一改戲路，飾演壞女人，令佢大呼興奮：“之前做開嘅角色都系單親媽媽、畀人蝦同善良嘅角色，就算系依家播嘅《星空下的仁醫》都系咁，所以喺《我》做一個壞人，偷咗楊明嘅設計去賣，所以覺得監製真繫好大膽，搵我做呢個角色，相信呢次系第一次亦都系最後一次。（如果有監製再搵你拍？）絕對歡迎，好興奮。”
今年系Burmie入行10年，佢指當初系入行想做主持，但緣分下令到佢有機會拍劇：“雖然見到同期港姐發展得好好，但每個人發展都唔一樣，我已經好感恩，搵到欣賞我嘅人。”