在廣州生活了這麼久，需要的是慢慢擴展出自己的朋友圈，所以人際關係就變得好重要。每天面對的朋友、陌生人、一般的關係人一些客氣的詞語應運而生。
如果沒有了這些客套話，似乎社會就不和諧，家庭就不和睦。
其中道理，你又知不知道呢？那如果認真的話，你就輸了
食咗飯未？
參考答案
哩句同關心你“有冇食飯”咩關係都冇，純屬冇嘢搵嘢講，就好似鬼佬見面講“hello”一樣。
最近忙緊咩？
參考答案
如果一個八百年都冇同你聯絡嘅人，打電話問你“兄弟啊，最近系度忙緊咩啊？”，請你做好心理準備跟住落嚟，佢要講嘅果句話，97%嘅系佢要結婚喇，準備好“人情”了。
嚟坐下使咩帶嘢啊？
參考答案
千奇唔好以為對方真系唔想要你嘅東西。廣東人系要面，特別去親戚朋友度嘅時候，哩句官方嘅客套話就會緩解唔少尷尬嘅氣氛，但系你真系信咗哩句話，下次你如果兩手空空去佢哋又會話“哩個人真系孤寒鬼！”
最後三天，一件不留
參考答案
系廣州大部分地方都會有D咁嘅店鋪，打出咁嘅標語。如果你真系以為揮淚清倉，咁你就做咗傻仔，喇哩度嘅“三日”絕對唔好用72小時嚟衡量，過半年你再去，佢仲系三日。
媽媽幫你存起D利是
參考答案
聽到媽媽講哩句話，大家都會祈禱自己快D長大。你D利是錢，都系爸爸媽媽嘅人情債啊。如果真指望多年以後，媽媽將利是錢放系你面前，咁只可以講，你撿到喇。
有事俾電話喇！
參考答案
哩話聽完就算喇，千奇唔好當真，真繫到有事嘅果天你俾電話佢，結果肯定話“真系唔好意思啊，我無能為力”
已經系最低價，我要虧本喇
參考答案
買嘅人永遠冇賣嘅精，哩句千古不變嘅，至理名言系任何時候都受用，佢嘅含義系“差唔多就得喇，唔賺錢我會賣俾你？
上唔到等下一部車，下一部車馬上嚟！
參考答案
哩句話絕對系司機俾乘客嘅一個定心丸，如果你仲有力向上擠，千奇唔好回頭望，遠處永遠唔會有下一部車嘅身影，因為每部車嘅司機都系咁講。
唔好意思啊，我急住交班！
參考答案
千奇唔好同情講哩句話嘅“的哥”，如果佢真系要交班嘅話，你係冇機會同佢講耶穌，只可以講，你去嘅地方唔值得去
菜一陣就上！
參考答案
馬上好？你點饅頭，後廚系度割緊大麥呢。相信好多街坊都體驗過！
如果你體驗過以上嘅全部，咁你就地道嘅廣州人喇~
-end-