陳偉霆被惠英紅“調戲” 任達華負責睇戲！
男星陳偉霆在內地發展一帆風順，同時也因長期在內地工作，已有一段時間未有機會與香港的好朋友見面。在日前於深圳舉行的“灣區升明月”晚會上，卻促成不少好友聚首一堂，大家難得見面，令後臺氣氛相當熱鬧。
陳偉霆在任達華、惠英紅、謝霆鋒、容祖兒等多位前輩面前，立即變成小粉絲一樣，惠英紅更公然出手“調戲”陳偉霆，用手輕抬他的下巴，惠英紅說：“我調戲嘅陳偉霆，被調戲嘅謝霆鋒，睇戲嘅任達華唔知做乜嘅，哈哈哈哈。”
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
周志文北京過生日發孤單論 劉佩玥留言似足分手祝福
無綫小花劉佩玥（Moon）同周志文戀情早已浮面，不過佢今年生日（9月9日）時就一反常態淨系約埋班Sister搞Party！咁周志文喺邊呢？佢喺社交網曬出黑白照，話好享受獨處時刻：“最近同自己相處得幾好，一個人睇戲、睇書、睇月光，一個人做gym、踩單車、射嚇波，自己想做乜都得，其實都幾自由，幾享受。”原來佢正身處北京，仲話可能過幾日嘅生日（28日）都要自己過：“聽落好似有少少孤單寂寞凍咁，不過我反而覺得幾好呀，人一世，物一世咩都要經歷啦嘅。”而阿Moon就留言“要好好的”，令網民懷疑佢哋已分手，十足祝福前度咁！
2018年時，Ｍoon約埋對方同埋一班好友開生日船P，兩人被發現喺浮床上激咀，戀情曝光！之後Moon又不時出席對方家庭聚會，融入家中，被公認系一對。
重量級新劇夠神秘 胡歌終於同唐嫣馬伊琍合照
內地演員胡歌主演嘅重量級劇集《繁花》，因為有王家衛擔任監製及總導演做“加持”，個個引頸以待，日前先至有女主演嘅名單流出，今次終於都有一眾演員嘅大合照曝光！上星期20日剛過39歲生日嘅胡歌，獲劇組為佢慶生，更有人流出合照，成為第一張見街嘅“官方合照”。
眾人著上充滿懷舊味道嘅戲服，即令馬伊琍、唐嫣嘅劇中造型首次曝光，Backdrop上寫有“寶總董董生日快樂”等字樣，明顯係為角色名為“阿寶”嘅胡歌慶生，同場仲有當紅網紅Papi醬，令網友對新劇內容抱更大好奇心。
細16年男友向天後講“再見” 蕭亞軒真的分手了？
臺灣天后蕭亞軒愛玩“姊弟戀”，7月時她於社交平臺發文，寫下：“謝謝你的一切，再見。”似是透露跟比自己年輕16歲的男友黃皓（Justin）分手，不過當時其經理人公司代為解畫，指二人並非分手，只是“暫停一下”。但一個月後，有指二人又重新開始，蕭亞軒開心曬出與家人預早慶生的片段的同時，亦已經跟Justin翻撻，更指當時為她們拍全家福的正是Justin。
不過事情峰迴路轉，今日（24日）Justin於社交平臺忽然簡單留言“再見”兩字，並上載了一張似是與蕭亞軒攬著於公園散步的背影照片，網友即時紛紛留言，問道：“分手了嘛？”、“還好嗎？”、“複合了還是分了。”
胡定欣跑步熱到爆青筋 網民擔心中暑
視後胡定欣喺9月頭過生日之後，生日飯食唔停，唔知系咪食太多生日蛋糕食肥咗，要去跑步消脂呢？佢繼早前中秋正日（21日）喺社交網曬跑步相後，今日（25日）又再出動，佢留言話自己打算跑4公里：“應承自己要跑，跑吧！”
由於今日陽光普照，著上運動Bra Top加短褲嘅佢都話堅系熱，仲熱到青筋都岀埋添！唔少網民都戥佢辛苦，嗌佢記得飲多啲水小心中暑，仲提醒佢要做足防曬措施，唔系就好易曬傷，而有網民就搞笑話身形Fit嘅佢，唔止有腹肌仲爆曬青筋，問佢系咪諗住隨時變身“筋肉人”呀？