梁舜燕（Lily）一向以優雅見稱，60年代曾做過麗的訓練班導師，其中一位學生便是汪明荃，Lily姐除教她儀態，還教黐眼睫毛。對於梁舜燕離世，汪明荃大表難過，並謂：“我識Lily姐嘅時候，佢喺麗的報新聞，亦系‘麗的三花’之一，著旗袍好端莊。”
原來汪明荃跟梁舜燕子女都很熟，當中跟已離世的梁舜燕細仔阮惠熊最玩我埋，跟其女兒阮蔓莉則是年輕時的玩伴，關係相當密切。對於梁舜燕演藝行業的堅持，汪明荃深表佩服：“佢好敬業樂業，亦非常之注重儀態，就算開工幾辛苦都好，都會注重儀態，唔會瞓喺度，好值得後輩學習。”
另外，汪明荃錄影《娛樂大家》時，受訪談及梁舜燕，坦言覺得難過及突然，且懷緬舊事謂：“我1967年入讀麗的藝訓班，當時佢已經系大明星又報新聞。我覺得佢好叻，系偶像，系事業同家庭都成功嘅女性。雖然同佢合作拍劇嘅機會唔多，但當年喺麗的，我哋以合唱團身份去唱歌畀老人家聽，佢都有去。後嚟佢喺無綫演戲，即使好攰人人席地休息，但佢都會保持儀態！”至於昨日夏萍亦傳出死訊，汪明荃即慨嘆：“值得尊重嘅前輩一個個咁走，夏萍姐姐留咗好多粵語長片俾我哋，呢啲電影陪住我成長，佢系一個敢作敢為嘅人，亦都系圈中奮鬥、貢獻咗左幾十年。”
曾與她合作處境劇《真情》及劇集《黃金有罪》的黃智賢，直言對此感傷心：“佢永遠都好有儀態同斯文，又好溫柔，記得《黃》劇同佢演母子，有啲佢鬧我嘅戲份，我講笑叫佢惡啲，因為未見過佢發脾氣，佢就同我講，都未曾鬧過人，好深刻。”
陳山聰為節目《娛樂大家》錄影。自認不精玩遊戲的他，節目上會玩“狼人”，他打趣幸好之前朋友聚會時有玩過，且謂：“彩排時嗰時已經同吳若希‘擦出火花’，有牙齒印！”
提到梁舜燕離世一事，山聰表示覺得很突然：“之前喺《唐人街》及《同盟》都曾經同佢合作。上星期王君馨仲喺我哋個group chat話Lily姐（梁舜燕）唔舒服，不如大家送個果籃去慰問，點知今日就收到佢離世的訊息。（同佢有乜難忘回憶？）真繫有好多畫面，Lily姐系位好值得尊敬嘅前輩，好照顧後輩，希望她早登極樂。”山聰全程強忍眼淚，即將投入新劇拍攝工作的他，表示會向劇組度時間，到靈堂送別梁舜燕。